Min bargu  

Vazáža searvegottis lea báikkálaš iešstivren, muhto lea seammeáiggi oassi Luvllája bismagottis ja Ruoŧa girkus dego oskkoldatgoddi. Oasálasvuohta gástašuvvon ja jáhkolaš almmolaš báhpagottis ovttastahtta visot searvegotti olbmuid, vihahuvvon dehe eai vihahuvvon. Searvegotti vuođđodoaibma lea buohkaid ovttasvástadus. Dan demokráhtalaš organisašuvnnas ja girko- doaimmahagas lea oktasaš ovddasvástadus čađahit doaimma girkoráđi lági mielde dego searvegotti stivra ja girkohearra main lea ovttasvástádus jođihit, ovttastahttit ja bearráigeahččat (siidu 15 girkoortnegis).


Gaskkavuohta rievddai gaskkal Ruoŧa girku ja stáhtá jagi 2000:is. Váldindihte ovddasvástadusa Ruoŧa girku badjel dego oskkoldatgoddin, lea girkočoahkkin mearridan ođđa girkoortnega mii lea ovddastahtton 13 ossodagain, 58 kápihttaliin ja 836 cehkiin. Girkoordnet álggahuvvo sániiguin:


Risttalaš girku dovddasta ovtta Ipmila – Áhči, Bártni ja bassi Vuoiŋŋa – mii luovvá, beastta ja adda eallima. Ruoŧa girku lea oassi máilbmeviidosas girkus ja juogada risttalaš dovddastusa ja gutnilávllu golmmaoktasaš Ipmilii… Girku guovddas ja eallimagáldu lea Jesus Kristus ja su evangelia. Evangelia dolvo olbmo Ipmila oktavuhtii, mii lea su máddu ja ulbmil. Ipmila luhtte gávdnu guorranmeahttun viisodat, árbmu ja ráhkisvuohta… Dat vuđolaš jáhkku, dovddasteapmi ja oahpu maid Ruoŧa girku adda galga boahtit ovdan juohke áššis maid girku dahka ja dadja. Girku eaktoda ahte dat geat ovddastit girku juogadit oskku ja risttalaš eallima.


Vazáža searvegotti ulbmil lea ahte olbmot galget šaddat jahkolaččat ja eallit jahkuin, risttalaš oktavuohta luvvejuvvo ja čiekŋuda. Ipmila riika leavvá ja sivdnideapmi máhcahuvvo. Visot iežá maid searvegoddi dahka lea doarjja ja bođos dán vuđđolaš doibmii.

Searvegoddeprofiila

Vazáža searvegoddi gullu Girona girkolaš searvegotteovttastussii mii lea ekonomalaš ovttastus gaskkal Čohkkerasa-, Vazáža ja Gáasavvonasearvegottiid. Ruoŧa girku Girona girkolaš searvegotteovttastus lea oassi máilmmiviidosas girkus mii lea vuođđoduvvon Kristus Jesusii ja lea oassi nášuvnnalaš Ruota girkus. Girku vuosttas oasit leat báikkálaš searvegottit ja sin vuođđobargu lea doallat girkomeanuid, čađahit oahpahusa ja jođihit diakonia ja mišuvnna.


Danin min ávvudit juohke basi ipmilbálvalusa, bassemeanuid dehe girkomeanuid. Go sátni ”meannu” lea čállon de min ávvudit Hearra bassi rihpaid, iežát gohčoduvvojit girkomeannun.

Vazáža searvegoddi lea čáppa eatnovákkis ja álbmoga lávejit gohčodit dego ”lantalaiset” – ođđa ássit – muhto dávjá gulla maid olbmuid gohčoduvvot durtnosleagilaččan.

Bargoveagas leat girkohearrá, veahkkebáhppa, diakona, kántor, dáloeamit/viessohoaiti, kánslista ja vihtta viessobearráigeahččit. Daid birra sáhtát lohkat eanet ”Bargiid” nama vuolde.

Ruovttoluotta álgosiidui

 


Sádde e-boasta Oskar Skoglundii jearaldagaiguin dehe jus leat oainnut dán webbabáikki birra. Copyright 2002 Vazáža searvegoddi
Maŋimusat rievdaduvvon: 10 juli 2007